նախընտրելի դարձնելԵրեկ ԱԺ ՀՀԿ խմբակցության ղեկավար Գալլուստ Սահակյանը ապրիլի 9-ին Կարեն Դեմիրճյանի անվան մարզահամերգային համալիրում Սերժ Սարգսյանի երդմնակալության ԱԺ հատուկ նիստ անցկացնելու նախագիծ էր ներկայացրել խորհրդարան։ Այդ մասին գրում է «168 ժամ» թերթը։
«Այն ընդունվեց 66 կողմ, 25 ձեռնպահ եւ 6 դեմ ձայների հարաբերակցությամբ։ Աժ փոխխոսնակ Էդուարդ Շարմմազանովը մեզ հետ զրույցում նշել էր, որ նախագծին ձեռնպահ էին քվեարկելԱԺ ԲՀԿ խմբակցության պատգամավորները։
ԱԺ ԲՀԿ խմբակցության պատգամավոր Վահե Էնֆիաջյանը ԲՀԿ-ի ձեռնպահ քբվեարկության մասին ասաց. «Դա մեր խմբակցության դիրքորոշումն էր: Մենք մեր խմբակցությունով քննարկել ենք եւ որոշել ենք այս ձեւաչափով մեր կարծիքն ու դիրքորոշումը հայտնել: Մանրամասնությունների մեջ չեմ ուզում խորանալ եւ որոշակի վերլուծություններ չեմ ուզում անել»,- ասաց Վ. Էնֆիաջյանը: Հարցին, թե ձեռնպահ քվեարկելն ի՞նչ է ենթադրում, որ ԲՀԿ_ն ներկա չի՞ գտնվելու այդ արարողությանը, պատգամավորը պատասխանեց. «Դե դա քվեարկության շատ կոնկրետ ձեւաչափ է: Մենք ձեռնպահ ենք քվեարկել: Մենք քվեարկել ենք, պարզ չի՞ ինչ է նշանակում»»,- մեջբերում է «168 ժամը»։
