նախընտրելի դարձնելԿանադայի Տորոնտո քաղաքի միջազգային օդանավակայանում վայրէջք կատարած, սակայն դեռ կանգ չառած շարժվող օդանավից ուղեւոր է ցատկել: Այս մասին հայտնել է տեղի ոստիկանության ներկայացուցիչ Ֆիոնա Տիվիերժը:
Sunwing ավիաընկերության Կուբայից ժամանած օդանավն արդեն մոտենում էր կայանատեղին, երբ հանկարծ օդանավի վթարային դռներից մեկը բացվել է, եւ ուղեւոր է ցատկել: Բարեբախտաբար, ուղեւորը չի տուժել:
Օրինազանցին ոստիկանությանն են հանձնել, հայտնում է ԻՏԱՌ-ՏԱՍՍ-ը: Ցատկողը Տորոնտոյի 32-ամյա բնակիչ է եղել, որը հոգեկան խանգարում ունի: Նրան անմիջապես տեղի հիվանդանոց են տեղափոխել:
