նախընտրելի դարձնելՄայիսի 28-ի գիշերը Նյու Յորքի ոստիկանությունն արգելափակել է Բրուքլինի կամուրջի երթեւեկությունը, երբ դրա վրա հայտնաբերվել է չգրանցված համարանիշներով կասկածելի մեքենա:
Կամրջի վրա երթեւեկությունը երկու ուղղությամբ էլ դադարեցվել է, որից հետո մեքենային է մոտեցել ականազերծողների խումբը: Ըստ տեղի լրատվամիջոցների` կամրջի վրա երկու կողմից էլ խցանումներ են գոյացել, հաղորդում է «ՌԻԱ Նովոստին»:
ԻՏԱՌ-ՏԱՍՍ-ը հայտնում է, որ Բրուքլինի կամրջի վրա թողած «Դոջ» մեքենայում ոստիկանությունը պայթուցիկ չի հայտնաբերել: Ականազերծողներին պահանջվել է մեկ ժամ մեքենայի անվտանգ լինելու հարցում հավաստիանալու համար: Ներկայումս կամրջի երթեւեկությունը վերականգնվել է:
Բրուքլինի կամուրջն ԱՄՆ-ի ամենահին կամուրջներից մեկն է, այն անցյալ շաբաթ նշել է իր 130-ամյակը:
