նախընտրելի դարձնելԲոսթոնի ահաբեկչության տուժածներից վերջինը ՝ Էրիկա Բրենոքը, դուրս է գրվել հիվանդանոցից: Բերիմորի մանկապարտեզի 29-ամյա դաստիարակչուհին մարաթոնի եզրափակչին եկել էր մորը աջակցելու համար:
Պայթյունի հետեւանքով նա բազմաթիվ վնասվածքներ էր ստացել եւ լսողության մասնակի կորուստ: Բժիշկները ստիպված էին եղել անդամահատել նրա ձախ ոտքը:
Այրվածքներ ու վնասվածքներ էր ստացել նաեւ Էրիկայի քույրը:
Տուժածի խոսքով՝ իրեն փրկել է մի անծանոթուհի՝ օգնելով հեռանալ պայթյունի վայրից, եւ մնացել է կողքին՝ մինչեւ որ իրեն հիվանդանոց են տեղափոխել:
Թեեւ երիտասարդ կինն առայժմ ինքնուրույն չի կարողանում տեղաշարժվել, լավատեսությունը չի կորցնում, հույս ունի աշնանը վերադառնալ սաների մոտ, գրում է NEWSru.com-ը:
Բոսթոնի կենտրոնում ապրիլի 15-ին երկու պայթյուն էր որոտացել, երեք մարդ զոհվել, 260-ը վիրավորվել էին, նրանցից 14-ի վերջույթներն անդամահատել էին: Ամերիկյան իշխանությունների համոզմամբ՝ ահաբակչության կազմակերպիչները Ցարնաեւ եղբայրներն էին՝ 26-ամյա Թամերլանն ու 19-ամյա Ջոհարը:
Ահաբեկչությունից մի քանի օր անց Թամերլանը զոհվել էր ոստիկանության հետ փոխհրաձգության ընթացքում, Ջոհարը հրազենային վնասվածքներով տեղափոխվել էր հիվանդանոց, այժմ բանտի բժշկական կենտրոնում է գտնվում:
