նախընտրելի դարձնելՀարավկորեական Թեչժոն քաղաքում այս տարվա հունվարին հինգ կորեացիներ են ձերբակալվել, ովքեր Ճապոնիայում գտնվելու ժամանակ Ցուսիմա քաղաքի տաճարից երկու բուդդայական արձանիկ են գողացել: Նրանց հաջողվել է արձանիկները դուրս բերել Ճապոնիայից եւ հարավկորեական Պուսանի մաքսակետով անցկացնել, սակայն հետո գործը բացահայտվել է:
Հաղորդվում է, որ երկու արձանիկները պատմական եւ մշակութային մեծ արժեք են ներկայացնում: Դրանից մեկը պատկանում է VIII դարին, երկրորդը` XIV-ին: Երկուսն էլ ընդգրկված են «մշակութային մեծ արժեք ներկայացնող օբյեկտների» ճապոնական ցուցակում, հաղորդում է «Ռոսբալտը»:
Սակայն խնդիրը կայանում է նրանում, որ արձանիկները կորեական ծագում ունեն, եւ կորեացիները պնդում են, որ ճապոնացի ծովահեններն են տարել դրանք:
Ճապոնական Ցուսիմա քաղաքի վարչակազմն էլ արձանիկները վերադարձնելու պահանջով բողոք է ներկայացրել, որն ստորագրել է քաղաքի բնակչության գրեթե կեսը:
