նախընտրելի դարձնել
Հուլիսի 3-ի երեկոյան Էկվադորի արտգործնախարար Ռիկարդո Պատինիոն հայտնել է, որ Լոնդոնում Էկվադորի դեսպանատան աշխատասենյակներից մեկում հայտնաբերված գաղտնալսող սարքը պատկանում է գաղտնալսմամբ զբաղվող Survillance Group Limited բրիտանական ընկերությանը:
Պատինիոն սարքը ցուցադրել է լրագրողներին եւ հայտնել, որ այն քողարկված է եղել պատերից մեկում` էլեկտրալարերի մեջ: Սարքի աշխատանքի համար կիրառվել է GSM, այն ունեցել է SIM-քարտ: Պատինիոն նաեւ հավելել է, որ Էկվադորի կառավարությունը քննության ընթացքում օգնություն կխնդրի բրիտանական կողմից, հաղորդում է «ՌԻԱ Նովոստին»:
Հիշեցնենք, որ Լոնդոնում Էկվադորի դեսպանատանը անցյալ տարվա հունիսի կեսերից գտնվում է WikiLeaks աղմկահարույց կայքի հիմնադիր Ջուլիան Ասանժը:
Ավելի վաղ հաղորդվել էր, որ Լոնդոնում Էկվադորի դեսպանի սենյակում գաղտնալսող սարք է հայտնաբերվել:
