նախընտրելի դարձնել
Լիմայի հյուսիսում շինարարական աշխատանքների ընթացքում չորսհազարամյա բուրգ է ավերվել: Այս մասին տեղեկացրել է Պերուի մշակույթի նախարարի տեղակալ Ռաֆայել Վարոնը:
Ավերված վեցմետրանոց բուրգը գտնվում է Պերուի կարեւորագույն հնագույն ավաններից մեկում՝ El Paraiso-ում (Դրախտ), որը Խաղաղ օվկիանոսից երկու կմ հեռավորության վրա է: Համալիրում կան 12 սրբավայրեր: Բուրգը կանգնած էր կենտրոնում եւ կիրառվում էր որպես տաճար: Դրա կառուցման համար պահանջվել էր 100 հազար տոննա քար, հայտնում է «ՌԻԱ Նովոստին»՝ վկայակոչելով տեղի հրատարակչություններին:
Ըստ Վարոնի՝ Alisol եւ Provelanz ընկերության աշխատակիցները փորձել են քանդել եւս երեք բուրգ, սակայն նրանց կանգնեցրել են տեղի բնակիչները: Շինարարական ընկերություններին պաշտոնական մեղադրանքներ են առաջադրվել: Այդ ընկերությունները դեռ մեկնաբանություններ չեն տվել:
