Հռոմի պապ Ֆրանցիսկոսը հաստատել է իր երկու նախորդների սրբացումը: Սրբերի շարքը կդասվեն  Հովհաննես-Պողոս II-ը եւ Հովհաննես XXIII-ը, հայտնել են Վատիկանի ներկայացուցիչները:  Արարողության ամսաթիվը դեռ չի հաղորդվում, սակայն սպավում է, որ դա տեղի կունենա 2013թ. դեկտեմբերին:

Հովհաննես-Պողոս II պապին սրբերի շարքը դասելու վճիռն ընդունվել էր աստվածաբանների կողմից՝ վերջինիս գործած երկու հրաշքները հաստատվելուց հետո, գրում է Life News-ը: Ավելի վաղ Վատիկանը ճանաչել էր Հովհաննես Պողոս II պապի երկրորդ հրաշքը:

Վատիկանը ճանաչել է Հովհաննես Պողոս 2-րդի երկրորդ հրաշքը http://news.am/arm/news/160760.html

Առաջին մարդը, ով հաղթահարել է մահացու հիվանդությունը, եղել է իտալացի Նիկոլո Գրիպոն, որը  կոկորդի քաղցկեղ է ունեցել: Նրա կնոջ աղոթքից հետո տղամարդը բուժվել է: Երկրորդ հրաշքը տեղի է ունեցել Հովհաննես-Պողոս II-ի մահից հետո: Շնորհիվ նրան ուղղված  աղոթքների` փրկվել է կոստառիկացի  հիվանդ մի կին:

Հատկանշական է, որ Հովհաննես  XXIII-ը միայն մեկ հրաշք է գործել: Սակայն Ֆրանցիսկոս պապն արդեն հաստատել է նրա սրբացումը: