Վարդանառի տոնին նվիրված  մայրաքաղաքի, թերեւս, ամենամարդաշատ միջոցառումը Կարապի լճում էր: Երեւանի քաղաքապետարանի եւ «ՆՈՅ» բնական աղբյուրի ջրի ջանքերով Կարապի լճում ու լճի հարակից տարածքում իսկական տոնական տրամադրություն էր ապահովվել՝   տոնական երաժշտությամբ ու ջրային տոնին համահունչ ձեւավորմամբ:

Երեւանի քաղաքապետարանի տեղեկատվության եւ հասարակայնության հետ կապերի վարչության փոխանցմամբ, կազմակերպիչները ջուր ցողելու համար տեղում դույլեր էին բաժանում  միջոցառման մասնակիցներին։ Հարյուրավոր երիտասարդներ զվարճանում էին յուրօրինակ «ջրային դիսկոտեկում»։

Միջոցառման մասնակիցներին, ի դեպ, հաճելի անակնկալ է մատուցել  նաեւ երգչուհի Իվետա Մուկուչյանը՝ իր նոր, ամառային երգի շնորհանդեսով։ Կարպի լճում նաեւ տոնական դիսկոտեկ-համերգ էր, որն իր հերթին ուղեկցվում էր զանազան անակնկալներով: