նախընտրելի դարձնել
Եգիպտոսում պաշտոնանկ արված նախագահ Մուհամեդ Մուրսիի կողմնակիցները պատանդ են վերցրել երկու զինվորի: Պատանդներին հաջողվել է փախչել:
Agence France-Presse-ը, վկայակոչելով բանակի նեկայացուցիչներին, հայտնում է, որ իսլամիստները զինվորներին մեքենա են նստեցրել եւ տարել: Այնուհետեւ նրանց ստիպել են բարձրախոսով բանակի ղեկավարության դեմ հայտարարություններ անել: Ընդ որում, զինվորներից մեկին սաստիկ ծեծել են: Նրա ելույթը նկարահանել են տեսախցիկով: Թե ինչպես են պատանդները փախել, չի հաղորդվում, գրում է lenta.ru-ն:
Հիշեցնենք, որ Եգիպտոսի դատախազությունը կարգադրել էր փակել «Մահմեդական եղբայրներ» կուսակցության Կահիրեի գրասենյակը` Ազատության եւ արդարության կուսակցությունը: Դա տեղի էր ունեցել այն բանից հետո, երբ իրավապահ մարմինների աշխատակիցները գրասենյակում զենք էին հայտնաբերել:
