նախընտրելի դարձնել
Ճապոնիայում հուլիսի առաջին շաբաթվա ընթացքում երեք մարդ մահացել, գրեթե 2,6 հազարը հիվանդանոց է տեղափոխվել անբնական տապի պատճառով: Հուլիսի 1-7-ն ընկած ժամանակահատվածում հիվանդանոց է տեղափոխվել 2594 մարդ: Ամենաշատ տուժածները գրանցվել են Աիտի, Տոկիո եւ Սայտամա պրեֆեկտուրաներում, հայտնում է NHK-ն՝ վկայակոչելով երկրի հրշեջ ծառայությունները:
Այս տարվա մայիսից սկսած՝ շոգից տուժածների ընդհանուր թիվն արդեն գերազանցել է յոթ հազարը՝ 2,4 անգամ ավելի՝ նախորդ տարվա նույն ժամանակահատվածի համեմատ: Հոսպիտալացվածների գրեթե կեսը 65 եւ բարձր տարիքի են:
«ՌԻԱ Նովոստին» գրում է, որ նախօրեին Ճապոնիայի գլխավոր օդերեւութաբանական վարչությունը հաղորդել էր սաստիկ տապի մասին (30 աստիճանից բարձր):
Դիտարկվող 927 կետերից 94-ում ջերմաստիճանը գերազանցել է 35 աստիճանը: Մասնագետները զգուշացնում են, որ շոգը կշարունակվի մինչեւ շաբաթվա վերջ:
