Տաշիրում դանակահարվածը հրաժարվել է հաղորդում տալուց: Ոստիկանության լրատվության վարչությունից հայտնում են, թե հուլիսի 14-ին, ժամը 22.50-ին, հիվանդանոցից ոստիկանության Տաշիրի բաժնում  հաղորդում էր ստացվել, որ «աջ ձեռքի կտրած վերք» ախտորոշմամբ   բուժօգնության է դիմել 1950 թ. ծնված Ռաֆայել Դ.-ն եւ հայտնել, որ  վնասվածքը ստացել է տանը, մանգաղը սրելու ժամաակ: 

Հուլիսի 17-ին, ժամը 15.30-ին, նյութերի նախապատրաստման ընթացքում պարզվել է, որ հուլիսի 14-ին, ժամը 20.00-ի սահմաններում, Սարատովկա գյուղում, Ռաֆայել Դ.-ն միջամտել է համագյուղացիներ 1966 թ. ծնված Ռոմիկ Դ.-ի եւ 1949 թ. ծնված Ռազմիկ Ա.-ի վիճաբանությանը, որի ընթացքում վերջինս դանակով հարվածել է Ռոմիկ Դ.-ի ձեռքին եւ պատճառել  վնասվածք:

Ռոմիկ Դ.-ին տրվել է դատաբժշկի ուղեգիր:

Վերջինս հրաժարվել է հաղորդում տալուց:

Ձեռնարկվում են միջոցառումներ Ռազմիկ Ա.-ին հայտնաբերելու ուղղությամբ:

Կատարվում է հետաքննություն: