Սյունիքի մարզի Մեղրի քաղաքի Հայրենադարձների փողոցի տներից մեկում, հուլիսի 18-ին, բռնկված հրդեհի պատճառը եղել է արդուկը հոսանքի աղբյուրին միացված թողնելը:

Ոստիկանության մամուլի ծառայությունից հայտնում են, որ հրդեհը մարվել է նույն օրը, ժամը 13.40-ին` մարտական 2 հաշվարկի ուժերով:

Հրդեհի հետեւանքով այրվել է Գուրգեն Կ.-ի տան առաջին հարկը` իր գույքով եւ տանիքային հարկն ամբողջությամբ` 140 քմ մակերեսով, իսկ հրդեհի տարածման  հետեւանքով այրվել է հարեւանությամբ գտնվող, 66-ամյա  Մարտուն Կ.-ի  տան տանիքը` 50 քմ  մակերեսով:

Նույն օրը պարզվել է, որ հրդեհն  առաջացել է տան բնակչուհի, 81-ամյա Բախտիկ Կ.-ի կողմից էլեկտրական արդուկը հոսանքի աղբյուրին միացված թողնելու հետեւանքով:

Գուրգեն Կ.-ին պատճառված նյութական վնասի չափը կազմում է շուրջ 1.475.000 դրամ:

Մարտուն Կ.-ին պատճառված նյութական վնասի չափը կազմում է շուրջ 100.000 դրամ:

Քննությունը վարում է ՀՀ ԱԻՆ Սյունիքի մարզային հրդեհային եւ տեխնիկական անվտանգության տեսչությունը: