նախընտրելի դարձնել
Երկրորդ օրն է Մեքսիկայի դաշնային ոստիկանության ջոկատները դառնում են երկրի արեւմուտքում գտնվող Միչոական նահանգի հանցագործների թիրախը: Երեքշաբթի զինված մարդկանց մի խումբ հարձակվել եւ վնասել է վեց ոստիկանի, հայտնում են տեղի իշխանությունները:
Ըստ նախնական տվյալների` ոստիկանների վրա հարձակվել էին, երբ նրանց ջոկատը շարժվում էին նահանգի ափամերձ ճանապարհներից մեկով: Հարձակումից անմիջապես հետո հանցագործների որոնման գործողություն է սկսվել:
Սա Միչոականում Մեքսիկայի դաշնային ոստիկանության վրա կատարված արդեն երկրորդ հարձակումն է վերջին երկու օրերին: Երկուշաբթի օրը հանցագործները հարձակվել էին մեկ այլ ստորաբաժանման վրա եւ վնասել յոթ հոգու, հաղորդում է «ՌԻԱ Նովոստին»:
Միչոական եւ Գուանահուատո նահանգները համարվում են «Տամպլիերների օրդենի ասպետներ» թմրակարտելի տիրույթը: Այդ հանցախումբը ի հայտ էր եկել 2011թ. սկզբին` անջատվելով «Միչոականցի ընտանիք» թմրակարտելից: Այն ժամանակ նախկին նախագահ Ֆելիպե Կալդերոնի հայրենիք Միչոականի գլխավոր քաղաքների փողոցներում միաժամանակ հայտնվել էին կարմիր խաչով սպիտակ տասնյակ դրոշներ, որոնց վրա գրված էր օրդենի ստեղծման մասին: «Ասպետների» եւ «Ընտանիքի» միջեւ ազդեցության ոլորտի համար դաժան մարտեր էին ծավալվել:
