Եգիպտոսի տարածքում արգելվել է «Մահմեդական եղբայրներ» շարժման ցանկացած քաղաքական գործունեություն: Ավելի վաղ Եգիպտոսի իրավաբաններն արգելել էին  «Մահմեդական եղբայրների» ռադիոկայանի հեռարձակումը եւ  կալանավորել էին չափավոր իսլամիստների ղեկավարներին:  Եգիպտոսի դատարանի որոշման մասին հայտնում է The Associated Press-ը:

Դատարանը նաեւ վճռել է բռնագրավել շարժման բոլոր ակտիվները: «Մահմեդական եղբայրներ» շարժումն օրինական է գործել միայն կես տարի, նշում է Al-Ahram-ը: Այն հիմնադրվել էր դեռ 1928թ., սակայն 1954թ. օրենքից դուրս էր հայտարարվել, երբ շարժման մասնակիցները անհաջող մահափորձ էին կատարել Եգիպտոսի նախագահ Համալ Աբդել Նասերի վրա, հաղորդում է Russia Today-ը:

Դրանից հետո կազմակերպությունը  երկրի քաղաքական կյանքին մասնակցել է տարբեր կուսակցությունների եւ շարժումների տակ քողարկված:  Իսլամիստներին հաջողվել էր շարժումը գրանցել միայն 2013թ. գարնանը: