նախընտրելի դարձնել
Ոստիկանության Երեւան քաղաքի վարչության օպերատիվ կառավարման է զանգահարել մի քաղաքացի եւ հայտնել, որ զոհված ազատամարտիկի եղբայր է, Բաշինջաղյան փողոցի թիվ 187 շենքի կաթսայատան աղբարկղում զենք է թողել:
Ոստիկանության մամուլի ծառայությունից հայտնում են, որ մեկնած օպերատիվ խումբը նշված վայրում հայտնաբերել է «Մակարով» տիպի ատրճանակ` առանց փամփշտատուփի:
Նույն օրը, ժամը 16.53-ին, անհայտ քաղաքացուց ոստիկանության Երեւան քաղաքի վարչության օպերատիվ կառավարման կենտրոն ահազանգ է ստացվել, որ Էստոնական փողոցի թիվ 12/1 շենքի դիմացի շինհրապարակում զենք է թողել:
Մեկնած օպերատիվ խումբը նշված վայրում հայտնաբերել է 7,62 մմ տրամաչափի` 8, 5,45 մմ տրամաչափի` 53, «ՊԿՄ» ինքնաձիգի` 65, «ՏՕԶ» տիպի հրացանի 50 փամփուշտ, 3 հատ «ՊԳ 2 ԴՌՊ», 3 հատ ծխագլանակ, հակատանկային նռնակի պայթուցիչ, ինքնաձիգի փամփշտատուփ, փամփշտակալ եւ «ՌՊ 5»:
Նույն օրը, ժամը 17.05-ին, ոստիկանության Երեւան քաղաքի վարչության օպերատիվ կառավարման կենտրոն է զանգահարել անհայտ քաղաքացի եւ հայտնել, որ Ահարոնյան փողոցում գտնվող ոստիկանության նախկին շենքի աստիճանների տակ փամփուշտներ է թողել:
Մեկնած օպերատիվ խումբը նշված շենքի մուտքի աստիճանների տակ, պոլիէթիլենային տոպրակի մեջ, հայտնաբերել է 5,45 մմ տրամաչափի` 64, 7,62 մմ տրամաչափի 28 փամփուշտ, 14 պայթուցիչ եւ լուսաձայնային ազդանշանային 2 հրթիռ:
Հայտնաբերվածն ուղարկվել է փորձաքննության:
Կատարվում է հետաքննություն:
