նախընտրելի դարձնել
«Մահմեդական եղբայրները» հոկտեմբերի 1-ի երեկոյան փորձել են գրավել Կահիրեի Թահրիր հրապարակը: Սկզբում նրանք խմբերով հավաքվել են շրջակա փողոցներում, հակակառավարական կոչեր հնչեցրել, գրոտել շենքերի եւ խանութների պատերին: Դա դուր չի եկել տեղի բնակիչներին եւ վաճառականներին:
«Մահմեդական եղբայրների» հետ նրանց վեճերը վերաճել են դաժան բախումների: Երկու կողմերից էլ քարեր են նետել, փայտեր եւ դատարկ շշեր:
Հուլիսի սկզբին պաշտոնանկ արված նախագահ Մուհամեդ Մուրսիի կողմնակիցները, չդիմանալով հակահարվածին, նահանջել են, մտել Թահրիր հրապարակ եւ փորձել հաստատվել այնտեղ: Սակայն դեպքի վայր ժամանած ուժայինները նրանց թույլ չեն տվել դա անել, հայտնում է ԻՏԱՌ-ՏԱՍՍ-ը:
Իսլամիստների մեծ մասը փախել է: Իրավապահներին հաջողվել է կալնավորել խռովություների հինգ հրահրողների: Կահիրեի հրապարակի տարածքում ոստիկաններ են հերթապահում:
Նշվում է, որ թեեւ «Մահմեդական եղբայրների» մշտական ցույցերին, Մուրսիի պաշտոնանկությունից հետո Թահրիր նրանք կարողացել են ներխուժել առաջին անգամ:
