Բիրյուլեւոյում հոկտեմբերի 13-ին ձերբակալվածներից 70-ին վարչական պատասխանատվության կենթարկեն, մյուսները ազատվել  են  պրոֆիլակտիկ զրույցից հետո, «Ինտերֆաքսին» -ին  հայտնել  են Մոսկվայի ՆԳՆ-ի ԳՎ-ից:

Մամուլի ծառայության աշխատակիցն ընդգծել է, որ երկու ակտիվիստներ կալանավորվել են  քրեական օրենսգրքի 91-րդ հոդվածին համապատասխան` 48 ժամով:

Հիշեցնենք, որ Մոսկվայի Բիրյոլեւո թաղամասում հոկտեմբերի 13-ի ցերեկը խռովություններ էին սկսվել` թաղամասի բնակիչների եւ ազգայնականների «ժողովրդական հանդիպման» ընթացքում, որոնք պահանջում էին անմիջապես հետաքննել Եգոր Շչերբակովի սպանությունը: Բիրյուլեւոյի 25-ամյա բնակիչը մահացել էր դանակահարությունից հետո` հոկտեմբերի 10-ի գիշերը:  Ոստիկանությունից  հայտնել էին, որ հանցագործությանն արտասահմանի քաղաքացի կարող էր մասնակցած լինել:   Մարդասպանին որոնելու օպերատիվ գործողությունների ընթացքում ոստիկանները ձերբակալել էին հարյուրավոր արտասահմանցիների: