Այսօր՝ հոկտեմբերի 31-ին, ժամը 19-ին, «Մոսկվա» կինոթատրոնում տեղի կունենա «ՌեԱնիմանիա»  5-րդ միջազգային անիմացիոն կինոփառատոնի փակման արարողությունը, որի ընթացքում կհայտարարվեն մրցույթային ծրագրում հաղթող ֆիլմերը:

Միջազգային անիմացիոն «ՌեԱնիմանիա» կինոփառատոնն այս տարի տոնել է  իր  հնգամյա հոբելյանը, որը համընկնում է հայ անիմացիոն արվեստի յոթանասունհինգ ամյակի հետ:

Այս տարին «ՌեԱնիմանիա» փառատոնի համար բացառիկ է նաեւ  նրանով, որ այն ընդլայնեց իր սփռվածությունը: Նոյեմբերի 1-3-ը  փառատոնը կանցկացվի նաեւ Լեռնային Ղարաբաղի Հանրապետությունում:

«ՌեԱնիմանիա» միջազգային անիմացիոն կինոփառատոնն այս տարի անցկացվում է Հայաստանի նախագահի աջակցությամբ: