նախընտրելի դարձնել
Այսօր Ամերիկայում հիշում են 1963թ. ողբերգական իրադարձությունները: Կես դար առաջ սպանվել էր նախագահ Ջոն Քենեդին: Վիրջինիայի գերեզմանատանը, որտեղ թաղված է նախկին նախագահը, կհավաքվեն նրա մտերիմները:
Առաջին անգամ հիշատակի արարողությունը տեղի կունենա Դալլասում, որտեղ հնչել էին ճակատագրական կրակոցները:
1963թ. նոյեմբերի 22-ին, ժ. 12:30-ին, ԱՄՆ-ի Դալլաս քաղաքում սպանություն էր տեղի ունեցել, որը փոխել էր պատմության ընթացքը. սպանվել էր ԱՄՆ-ի 35-րդ նախագահ Ջոն Ֆիցջերալդ Քենեդին: Ըստ պաշտոնական վարկածի` ամերիկյան միակ կաթոլիկ նախագահը, որը կանխել էր սառը պատերազմը միջուկային ապոկալիպսիսի վերածելու գործընթացը, սպանվել էր Լի Հարվի Օսվալդի ձեռքով: Ամերիկացիների մեծամասնությունը (հարցմանը պատասխանողների 70%-ը) չեն հավատում կառավարության վարկածին:
