Հայաստանի քրեակատարողական հիմնարկներում այս պահին ընդամենը  2 դատապարտյալ են հացադուլի մեջ: Այդ մասին NEWS.am-ի թղթակցի հետ զրույցում հայտնեց Արդարադատության նախարարության քրեակատարողական վարչության մամուլի քարտուղար Գոռ Ղլեչյանը եւ նշեց, որ առանց նրանց համաձայնության չի կարող բացահայտել նրանց ինքնությունը:

Նրա խոսքով՝ դատապարտյալները 3 օր է ինչ հացադուլի մեջ են եւ դժգոհում են իրենց քրեական գործից: «Նրանք առանձին խցերում են եւ բժիշկների մշտական հսկողության տակ»,- ասաց Գոռ Ղլեչյանը եւ ավելացրեց, որ նրանց հետ բացատրական  աշխատանքներ են տարվում հացադուլը դադարեցնելու ուղղությամբ: