նախընտրելի դարձնել
Լիբանանյան մայրաքաղաքում դեկտեմբերի քսանյոթի առավոտյան 09:00-ին պայթյուն է որոտացել: Արդյունքում կան սպանվածներ ու վիրավորներ: Այս մասին NEWS.am-ին է հաղորդել Լիբանանի «Ազդակ» հայկական պարբերականի գլխավոր խմբագիր Շահան Քանդահարյանը:
Ըստ նրա՝ պայթեցվել է ավտոմեքենա: Թիրախն էր Լիբանանի նախկին նախարարներից մեկը՝ Մուհամմեդ Շատահը: Նա մահացել է:
Տվյալ պահին հայտնի է վեց զոհերի ու մի քանի տասնյակ վիրավորների մասին, դեպքի վայրում աշխատում են շտապ օգնության աշխատակիցները:
Ինչպես լրատվամիջոցներն են ընդգծում, պայթյունը լսելի է եղել ամբողջ քաղաքում ու սեւ ծուխը տարածվել է « Phoenicia Hotel» հյուրանոցից ոչ հեռու:
Հիշեցնենք, որ նոյեմբերի 19 իրաքյան դեսպանատան մոտ տեղի ունեցած պայթյունի արդյունքում զոհվել էր 23 մարդ, 146-ը՝ վիրավորվել:
