նախընտրելի դարձնելՌԴ ԱԳՆ-ի մարդու իրավունքների, ժողովրդավարության եւ իրավունքի գերակայության հարցերով լիազոր ներկայացուցիչ Կոնստանտին Դոլգովը հայտարարել է, որ Գուանտանամոն պետք է հնարավորինս շուտ փակվի:
«Գուանտանամո մեր այցը եւս մեկ անգամ ապացուցեց, որ այդ բանտը պետք է հնարավորինս շուտ փակվի», -ասել է նա Մոսկվայի ասուլիսում: «այնտեղ կոպտերեն ոտնահարվում են մարդու իրավունքները», -ընդգծել է Դոլգովը, հայտնում է «Ռոսբալտը»` վկայակոչելով «Ռոսիյսկայա գազետան»:
Դիվանագետը հավելել է, որ Ռուսաստանը կհասնի ռուսաստանցի Ռավիլ Մինգազովի շուտափույթ ազատմանը, որը Գուանտանամոյի բանտում գտնվում է արդեն տասը տարուց ավելի:
Հիշեցնենք, որ ԱՄՆ-ի նախագահ Բարաք Օբաման 2009թ. հունվարի 22-ին` պաշտոնն զբաղեցնելուց երկու օր անց, հրաման էր ստորագրել բանտը փակելու մասին, սակայն Գուանտանամոյում նախկինի պես կա 150 բանտարկյալ: Անցյալ տարեվերջին ամերիկացի նախագահը հայտարարել էր, որ բանտը, որտեղ ահաբեկչության կասկածյալներ են պահվում, միայն թուլացնում է ԱՄՆ-ի ազգային անվտանգությունը:
