ՆախընտրելիԵրեւանի Հրաչյա Քոչար եւ Փափազյան փողոցների խաչմերուկում, մարտի 19-ի երեկոյան մի խումբ երիտասարդներ կրակոցներ են հնչեցրել: Ավելի ուշ պարզվել է, որ այս կրակոցների հեղինակները մի խումբ տաքսու վարորդներ են եղել, որոնք մեքենայի ընթացքի ժամանակ կրակոցներ են արձակել:
Դեպքի մասնակիցների ինքնության եւ պատճառների մասին NEWS.am-ը փորձել է մանրամասներ ճշտել ոստիկանությունից, որտեղից հայտնել են, որ խուլիգանություն կատարելու եւ ավտոմեքենայից ընթացքի ժամանակ ատրճանակով կրակելու կասկածանքով, նույն օրը բաժին բերման են ենթարկել «Լադա Կալինա» մակնիշի ավտոմեքենայի 27-ամյա վարորդին, «Լիա» տաքսի ծառայության 21-ամյա վարորդին, նույն տաքսի ծառայության 19-ամյա վարորդին:
Նրանք ոստիկանությունում ինքնախոստովանական բացատրություններ են տվել, նշելով, որ նույն օրը ժամը 10.00-ի սահմաններում, Հ.Քոչարի եւ Փափազյան փողոցների խաչմերուկում, օդամղիչ ատրճանակով մեկական անգամ կրակել են օդ: Նրանք ներկայացրել են նշված ատրճանակը:
Նշանակվել է դատաձգաբանական փորձաքննություն: Կատարվում է հետաքննություն:
