նախընտրելի դարձնել
«LOGOS EXPO Center» ընկերությունը հունիսի 7-9-ը «Երեւան Էքսպո» հատուկ մասնագիտացված ցուցահամալիրում կազմակերպում է «Մանկության աշխարհ EXPO 2014» միջազգային ութերորդ ցուցահանդեսը՝ նվիրված Երեխաների պաշտպանության միջազգային օրվան:
«Մանկության աշխարհ EXPO 2014» ցուցահանդեսը երեխաների եւ աշակերտների համար պրոֆեսիոնալ ցուցահանդես կազմակերպելու հերթական քայլն է: Ցուցահանդեսի հիմնական նպատակն է զարգացնել տվյալ բնագավառը, ներգրավել բարձր որակավորմամբ արտադրողների եւ մասնագետների, Հայաստանի շուկան համալրել երեխաների համար նոր տեսականիով:
Երեք օր «Երեւան Էքսպոյում» տոնական մթնոլորտ կլինի:
Ցուցահանդեսը կանցկացվի Էկոնոմիկայի, աշխատանքի եւ սոցիալական հարցերի նախարարությունների, ինչպես նաեւ Հայաստանի արդյունաբերողների եւ գործարարների միության աջակցությամբ:
Ցուցահանդեսի պաշտոնական բացումը տեղի կունենա հունիսի 7-ին, ժ. 12:00-ին, իսկ փակման արարողությունը՝ հունիսի 9-ին, ժ. 16:00-ին:
