նախընտրելի դարձնել
Իրաքի խոշորագույն ավիաբազաներից մեկն ու մի քանի նավթահորեր հայտնվել են «Իրաքի եւ Լեւանտի իսլամական պետություն» շարժման գրոհայինների եւ նրանց համախոհ սունի այլ ծայրահեղականների ձեռքում:
Իսլամիստները գրավել են Աջիլ շրջանը, որը Տիկրիտից 30 կմ հեռու է: Այնտեղ են գտնվում երեք ոչ մեծ նավթահանքեր:
Սկզբում Աջիլը ոստիկանների պաշտպանության տակ էր, սակայն երբ շրջակա բնակավայրերից մեկը գրավել էին արմատականները, տարածքը ստիպված պաշտպանում էին տեղի ցեղախմբերը:
Հակասական տեղեկություններ են ստացվել Բայջի քաղաքից, որտեղ գտնվում է Իրաքի նավթարդյունահանող խոշորագույն գործարաններից մեկը: Դատելով տեղեկություններից՝ գործարանն ու քաղաքը մեկ իշխանությունների, մեկ գրոհայինների, մեկ տեղի ցեղախմբերի տիրապետման տակ է հայտնվում, փոխանցում է ԻՏԱՌ-ՏԱՍՍ-ը:
