նախընտրելի դարձնել
Սպիտակ տունը Կոնգրեսից մոտ 60 մլրդ դոլար է խնդրել 2015թ. ռազմական գործողությունների ֆինանսավորման համար: Սա 20 միլիարդով քիչ է ընթացիկ տարվա ֆինանսավորումից, գրում է rbc-ն՝ հիշեցնելով Աֆղանստանից զորքերը դուրս բերելու ԱՄՆ-ի նախագահի որոշումը:
Ներկայացուցիչների պալատի խոսնակ Ջոն Բեյներին ուղղված նամակում Օբաման 58,6 մլրդ դոլար է խնդրել Աֆղանստանում եւ այլ վայրերում ռազմական գործողությունների համար: Սա վերջին 10 տարում այդ նպատակի համար նախատեսված ամենափոքր գումարն է:
Ինչպես հաղորդվել էր, Սպիտակ տունը ցանկանում է 500 մլն դոլար ստանալ Սիրիայի չափավոր ընդդիմությանն աջակցելու, 1,5 մլրդ՝ Սիրիային սահմանակից երկրներում կայունության ապահովման համար, ովքեր ընդունել են փախստականների հոսքերը, 140 մլն դոլար՝ Իրաքում ոչ օպերատիվ նախապատրաստման համար եւ 1 մլրդ՝ Եվրոպայում ԱՄՆ-ի դաշնակիցների անվտանգության ամրապնդման համար:
Շուրջ 2,5 մլրդ կհատկացվի այլ երկրներում ԱՄՆ-ի եւ նրա դաշնակիցների համար սպառնալիք ներկայացնող ահաբեկչական խմբավորումների դեմ պայքարող ստորաբաժանումների զինման եւ նախապատրաստման համար:
