նախընտրելի դարձնել
Հունիսի 28-ին տեղի է ունեցել Հայ ազգային կոնգրեսի վարչության նիստ:
ՀԱԿ մամուլի ծառայությունից հայտնում են, թե նիստում վարչությունը կազմավորել է Քաղաքացիական խմբերի հետ աշխատանքների համակարգման ու Առողջապահության եւ սոցիալական հարցերի հանձնաժողովները:
Փոխնախագահներ Արամ Մանուկյանը եւ Լեւոն Զուրաբյանը հաղորդում են ներկայացրել Քառյակի մաս կազմող ուժերի հետ ընթացիկ համագործակցության եւ Քառյակի հետագա անելիքների վերաբերյալ:
Լեւոն Զուրաբյանը հաղորդում է ներկայացրել ԵԽԽՎ ամառային նստաշրջանի մասին:
Տարածքային կառույցների աջակցման հանձնաժողովի նախագահ Ավետիս Ավագյանը հաղորդում է ներկայացրել ամռան ընթացքում` աշնանը սպասվող քաղաքական ակտիվ գործընթացներին ընդառաջ, տարածքային կառույցներում իրականացվելիք միջոցառումների վերաբերյալ:
