Դոնեցկում կրակոցների հետեւանքով զոհվել է Ռուսաստանի Առաջին ալիքի աշխատակից Անատոլի Կլյանը:  Ռուսաստանի Առաջին ալիքը հայտնում է, որ Անատոլի Կլյանը  Ուկրաինայի ուժայինների կողմից իրականացված հրաձգության տակ է հայտնվել, նա  որովայնի հատվածում  ծանր վնասվածք է ստացել: 

Բժիշկները չեն կարողացել փրկել նրա կյանքը: Անատոլի Կլյանը մահացել է վիրահատության ժամանակ: Հիշեցնենք, որ սա ռուսաստանցի լրագրողների վրա հարձակման առաջին դեպքը չէ: Ավելի վաղ Ուկրաինայում զոհվել էին ռուս լրագրող եւ հնչյունային օպերատոր: