ԱՄՆ պետքարտուղար Ջոն Քերրին Աֆղանստան է մեկնել ՝երկրի նախագահի երկու թեկնածուների հետ բանակցելու, որպեսզի հարթի նախագահական ընտրություններից հետո ստեղծված լարված իրավիճակը, փոխանցում է rbc-ն։

Նա հանդիպել է ֆինանսների նախկին նախարար ընտրություններում հաղթած  Աշրաֆ Ղանի  Ահմադզային եւ նախկին արտգործնախարար Աբդուլա Աբդուլայի հետ, որը հրաժարվում է ճանաչել  այդ արդյունքները՝ իբր  տեղի ունեցած կեղծիքների պատճառով։ Հանդիպում է կայացել նաեւ Աֆղանստանի  հեռացող նախագահ Համիդ Քարզայի հետ։  

Հեռանալուց առաջ Քերրին հայտարարել է, որ ԱՄՆ-ն լուրջ մտահոգվածությամբ է հետեւում Աֆղանստանի իրադրությանը, եւ նախազգուշացրել, որ  «զուգահեռ կառավարություն» ձեւավորելու կոչերի պատճառով Քաբուլը կզրկվի Վաշինգտոնի աջակցությունից։