նախընտրելի դարձնել
Ռուսաստանը դիմել է Բելառուսին՝ վերջինիս տարածքում պաշտպանա-արդյունաբերական համալիրի մի քանի հազար անուն ապրանքների արտադրության նախաձեռնությամբ: «ՌԻԱ Նովոստիի» փոխանցմամբ՝ այդ մասին ասել է Բելառուսում ՌԴ դեսպան Ալեքսանդր Սուրիկովը:
«Բելառուսի ռազմարդյունաբերության կոմիտեին առաջարկել են ուսումնասիրել մի քանի հազար անուն ապրանքատեսակ: Առաջարկվել է յուրացնել դրանք», - նշել է Սուրիկովը:
Հիշեցնենք, հունիսի 17-ին հայտնի էր դարձել, որ Ուկրաինայի նախագահ Պյոտր Պորոշենկոն արգելել է ռազմաարդյունաբերության ոլորտում Ռուսաստանի հետ համագործակցությունը: Այդ որոշումը կայացվել էր հունիսի 16-ին՝ Ազգային անվտանգության եւ պաշտպանության խորհրդի նիստում: Ավելի վաղ այդպիսի համագործակցությունն արգելվել էր միայն զենք ու սպառազինություն արտադրելու եւ Ռուսաստան մատակարարելու առումով:
Նշենք նաեւ, որ Պորոշենկոն ԵՄ-ին կոչ էր արել հատվածային պատժամիջոցներ կիրառել ՌԴ նկատմամբ, որոնք կենթադրեն Ռուսաստանի հետ ռազմատեխնիկական համագործակցության դադարեցում, եթե Մոսկվան չդադարի աջակցել Դոնբասի ռուսամետ ակտիվիստներին:
