Հայաստանի ԱԻՆ-ում, այսօր՝ հուլիսի 25-ին, ժամը 02.03-ին ահազանգ է ստացվել, որ Վայոց ձորի մարզի Ելփին գյուղի մոտակայքում` «Քյարքիի» ոլորաններում, տեղի է ունեցել ավոտվթար:

Հայաստանի ԱԻՆ փրկարար ծառայությունից հայտնում են, որ «Օպել» մակնիշի ավտոմեքենան բախվել է սարին, կա մեկ տուժած. անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ:

Պարզվել է, որ «Մ2» միջպետական ավտոճանապարհի Երեւան-Մեղրի 94-րդ կմ-ի մոտակայքում «Օպել» մակնիշի 34 PQ 678 համարանիշի ավտոմեքենան դուրս է եկել ճանապարհի երթեւեկելի հատվածից եւ բախվել սարի լանջին, ինչից վարորդ 26-ամյա Վ. Կ.-ն ստացել է տարբեր աստիճանի մարմնական վնասվածքներ:

Մինչ հրշեջ-փրկարարները կանչի վայր հասնելը տուժածը տեղափոխվել է Եղեգնաձորի ԲԿ:

Բժիշկները տուժածի առողջական վիճակը գնահատել են բավարար:

Հրշեջ-փրկարարները փակել գազի բալոնի փականը: