նախընտրելի դարձնել
Ադրբեջանական կողմը հաստատել է Լեռնային Ղարաբաղի ԶՈւ-ի հետ շփման գծի միջադեպի արդյունքում 4 զինծառայողների մահվան փաստը:
Ադրբեջանի հանրապետության պաշտպանության նախարարության տվյալներով՝ զոհվել են 4 ադրբեջանցի զինծառայողներ.
ենթասպա Ալիեւ Փարվին
կրտսեր ենթասպա Հուսեյնով Ռախիլը
կրտսեր ենթասպա Ահմեդով Էլչին
զինվոր Գուլիեւ Սարհան
Ադրեբջանական կողմի վարկածով՝ միջադեպը տեղի է ունեցել Աղդամի ուղղությամբ՝ Աղդերում (Մարտակերտ): ԼՂՀ պաշտպանության նախարարության պաշտոնական հաղորդագրության համաձայն՝ անցած գիշեր Մարտակերտի ուղղությամբ ադրբեջանական կողմը դիվերսիայի հերթական փորձ է ձեռնարկել, որը խլել է մեկ հայ զինվորի կյանք:
Սակայն ադրբեջանական կողմից ներկայացված տվյալները շատ լղոզված են՝ հաշվի առնելով նրա կողմից նշված վայրերի մեծ հեռավորությունը:
Տեղի ունեցած պատկերի խեղաթյուրման նմանատիպ փորձերը տեղավորվում են ադրբեջանական կողմի տրամաբանության մեջ՝ 2 օր շարունակ Բաքուն կտրականապես հերքում էր միջադեպերի փաստը, բայց նախօրեին «հանկարծ» հաղորդել էր «երեք օր շարոնակվող մարտերի» եւ 8 զոհերի մասին:
