Մեծ Բրիտանիայի թագավորական ռազմաօդային ուժերի օդանավերն ուղեկցում են ուղեւորատար ինքնաթիռը՝ դրանում կասկածելի սարքի մասին տեղեկության պատճառով: Այս մասին գրում է Gazeta.ru-ն՝ հղում կատարելով Reuters-ին:

Qatar Airways ավիաընկերությանը պատկանող ինքնաթիռի օդաչուները հայտարարել են, որ օդանավում կասկածելի սարք կա:

Ռազմական ավիացիան օդանավն ուղեկցելու է մինչեւ Մանչեսթերի օդանավակայան, ուր արդեն ժամանել են նաեւ հատուկ ծառայությունների ներկայացուցիչները:

Ներկայում պարզվում են միջադեպի հանգամանքները: