նախընտրելի դարձնել
Շոտլանդիայի առաջին նախարար Ալեքս Սալմոնդը քննադատել է Ավստրալիայի վարչապետ Թոնի Էբոթին Միացյալ թագավորության կազմից դուրս չգալու Էդինբուրգին ուղղված կոչերի պատճառով:
Ավելի վաղ հաղորդվել էր, որ Էբոթը Լոնդոն կատարած իր այցի ժամանակ Մեծ Բրիտանիայից Շոտլանդիայի առանձնացմանը դեմ էր հանդես եկել: Times-ին տրված հարցազրույցի ժամանակ Էբոթն ասել էր, որ «դժվար է հասկանալ՝ անկախ Շոտլանդիան ինչպե՞ս կօգնի աշխարհին»:
Շոտլանդիական ազգային կուսակցության առաջնորդ Սալմոնդը հայտարարել է, որ Ավստրալիայի անկախությունը դրան ոչ մի կերպ չի վնասել՝ Էբոթի խոսքերը որակելով վիրավորական, կեղծավոր եւ հիմար, հաղորդում է BBC-ի ռուսական ծառայությունը:
Էբոթն ընդգծել էր, որ Մեծ Բրիտանիային մասնատված տեսնել ցանկացողները «արդարության կամ ազատության բարեկամներ չեն»:
Ավստրալացի վարչապետը նաեւ նշել է, որ այն երկրներըր, որոնք ողջունում են իրադարձությունների նման զարգացումը, «ամենահաճելի ընկերակցությունը չեն»:
Հիշեցնենք, որ Շոտլանդիայի անկախության հանրաքվեն նախատեսվում է անցկացնել սեպտեմբերի 18-ին:
