Մարդիկ, ովքեր սիրում են կարդալ (ընդ որում՝ ոչ միայն քրեական խրոնիկա կամ սպորտային հանդիպումների հաշվետություններ), տարբերվում են նրանցից, ովքեր կարդալ չեն սիրում:

Հաճախ տարբերություններն ակնհայտ չեն, սակայն հոգեբանները (ինչպես նաեւ բժշկական ոլորտի նրանց մյուս գործընկերները) վաղուց պարզել են, որ կարդալն օգտակար է: Ինչո՞ւ:

1. Բառապաշարի ավելացում

Կարդալն ավելացնում է բառապաշարը: Ամեն ինչից բացի՝ կարդալը մարդուն ավելի գրագետ է դարձնում: Մի քանի հարյուր անգամ կարդալով բառը՝ դժվար է այն գրելիս ուղղագրական սխալներ թույլ տալ կամ արտասանելիս աղավաղել այն:

2. Մարդկանց հետ շփում

Կարդալ սիրող մարդկանց մեծամասնությունն աչքի է ընկնում հաղորդակցվելու կարողությամբ:

3. Վստահություն

Հայտնվելով իրավիճակում, որտեղ հարկավոր է ինչ-որ տեսակետ պաշտպանել, մարդը, ով շատ է  կարդում, բոլորից արագ է հաղթահարում այն: Կրթվածությունն ու թեմայի իմացությունը մեզ ինքնավստահ են դարձնում:

4. Կարդալն օգնում է շեղվել

Այլ կերպ ասած՝ կարդալն օգնում է հաղթահարել սթրեսը: Շեղվելով՝ հեռանում ես հեղինակի երեւակայության աշխարհ, եւ սեփական խնդիրն արդեն այնքան էլ բարդ չի թվում: Հաճախ հոգեբանները կարդալ խորհուրդ են տալիս նրանց, ովքեր չափից ավելի շատ են կենտրոնացած որեւէ խնդրի վրա:

5. Կարդալը զարգացնում է հիշողությունը

Սյուժեին հետեւելու ձգտումն ինքնաբերաբար դառնում է բոլոր հերոսների անունները հիշելու փորձ, ինչն էլ բարելավում է հիշողությունը: Մենք մեծ թվով մանրամասներ ենք պատկերացնում, երբ գիրք ենք կարդում, ինչը նպաստում է հիշողության բարելավմանը, ինչպես նաեւ մտածողության զարգացմանը: