Հայաստանի վարչապետ Հովիկ Աբրահամյանը ցավակցական հեռագիր է հղել Դավիթ Հակոբյանի մահվան կապակցությամբ:

Ցավակցական հեռագրում ասվում է.

«Ցավով տեղեկացա Հայաստանի մարքսիստական կուսակցության նախագահ Դավիթ Հակոբյանի անժամանակ մահվան մասին:

Դավիթ Հակոբյանը քաղաքական գործչի իր տեսակով եւ հայացքներով ուրույն ներդրում է ունեցել Հայաստանի քաղաքական կյանքում՝ ակտիվորեն ներգրավված լինելով քաղաքական գործընթացներում:

Խորապես ցավակցում եւ իմ զորակցությունն եմ հայտնում Դավիթ Հակոբյանի հարազատներին, մտերիմներին ու գործընկերներին»: