նախընտրելի դարձնելՆախագահ Սերժ Սարգսյանն այսօր ընդունել է Հայաստանի Հանրապետությունում Չինաստանի Ժողովրդական Հանրապետության արտակարգ եւ լիազոր դեսպան Թիան Չանչունին` դիվանագիտական առաքելությունը մեր երկրում ավարտելու կապակցությամբ:
Նախագահը շնորհակալություն է հայտնել դեսպանին՝ պաշտոնավարման տարիներին հայ-չինական հարաբերությունների ամրապնդմանն ուղղված արդյունավետ գործունեության համար, ընդգծելով, որ երկու երկրների միջեւ հարաբերությունները գտնվում են բարձր մակարդակի վրա, հատկապես վերջին տարիներին փոխշահավետ մի շարք ոլորտներում զգալիորեն ակտիվացել է հայ-չինական համագործակցությունը, հաճախակի են դարձել տարբեր մակարդակի փոխայցելությունները, ընդլայնվել է իրավապայմանագրային դաշտը, առեւտրաշրջանառության ծավալներում արձանագրվել է որոշակի առաջընթաց: Այդ ամենում Սերժ Սարգսյանը մեծապես կարեւորել է դեսպան Թիան Չանչունի անձնական ներդրումը:
Դեսպան Չանչունը շնորհակալություն է հայտնել Հանրապետության нախագահին՝ գնահատանքի ու ջերմ խոսքերի համար եւ նշել, որ Հայաստանում իր դիվանագիտական առաքելությունն իրականացրել է մեծագույն հաճույքով ու հեռանում է լավագույն տպավորություններով՝ մնալով հայ ժողովրդի եւ Հայաստանի բարեկամը:
