նախընտրելի դարձնելԵռյակի շատ անդամներ չափազանց ծանր տարան Զարուհի Փոստանջյանի առաջ քաշած կետերը, կապված եռյակի հարթակի օրակարգի հետ: Այս մասին NEWS.am-ի թղթակցի հետ զրույցում ասաց Միջազգային եւ անվտանգության հարցերի հայկական ինստիտուտի ղեկավար, քաղաքական վերլուծաբան Ստեփան Սաֆարյանը:
Նա նշեց, որ Զարուհի Փոստանջյանի հայտարարությանը հետեւած ռեակցիան համաչափ չէր, այն հիստերիայով ընդունվեց եւ հիստերիայով պատասխանվեց: «Համենայն դեպս, արձագանքը ջղաձիգ էր»,-ասաց նա:
Ստեփան Սաֆարյանը շեշտեց, որ «Ժառանգությունը» պետք է մեկնաբանի, թե ինչու է խնդրել չմեկնաբանել իրենց պատգամավորի հայտարարությունը, ինչի հիման վրա է նման հայտարարություն արվում:
Հնարավո՞ր է «Ժառանգության» հետագա գոյությունը եռյակում, թե ոչ, Ստեփան Սաֆարյանն ասաց, որ այդ մասին ոչինչ չի կարող ասել, Րաֆֆի Հովհաննիսյանը սպառիչ պատասխաններ է տվել, թե որ դեպքում ինչ կանի:
Նշենք, որ Ազգային ժողովի «Ժառանգություն» խմբակցության պատգամավոր Զարուհի Փոստանջյանը ներկայացրել է եռյակի միացյալ հարթակի օրակարգը: Դրանք են.
1. Պետք է Ազգային ժողովում սկսեն Սերժ Սարգսյանի պաշտոնանկ անելու գործընթացը:
2. ԲՀԿ-ն պետք է հայտարարի, որ ճանաչում է Սերժ Սարգսյանին եւ Ռոբերտ Քոչարյանին` որպես հանցագործների եւ հետամուտ է լինելու նրանց քրեական հետապնդմանը եւ օրինական դատավճռով ազատազրկմանը, ինչը պետք է վերահաստատվի նաեւ ՀԱԿ-ի եւ «Ժառանգության» կողմից:
3. Ապօրինի սեփականաշնորհված եւ ապօրինի ձեռք բերված գույքի վերադարձը պետությանը: ՀՀԿ-ում, ԲՀԿ-ում եւ Սերժ Սարգսյանի եւ Ռոբերտ Քոչարյանի մերձավոր օլիգարխների ապօրինի ձեռք բերված ունեցվածքի վերադարձը պետությանը:
4. Հակակշռող եւ զսպող օրենքների ընդունում, ընդդիմությունը վերահսկողական լծակների տրամադրում:
5. Բոլոր այն դատավորների լիազորությունների վաղաժամկետ դադարեցում եւ դատապարտում, ովքեր ներգրավված են եղել քաղաքական հետապնդումների գործերում:
6. Ոստիկանություն, ԱԱԾ-ի եւ բանակի բոլոր այն պաշտոնատար անձանց հետապնդում եւ դատապարտում, ովքեր մասնակիցն են եղել քաղաքական սպանությունների, հետապնդումների, հալածանքների եւ բռնաճնշումների:
7. Ժամանակավոր անցումային կառավարության ձեւավորում, որը կգործի առավելագույնը վեց ամիս եւ կիրագործի վերոնշյալը` մինչեւ օրինական իշխանության ձեւավորում:
8. Արտահերթ խորհրդարանական եւ նախագահական ընտրությունների անցկացում:
