Գորիսում երեկ՝  հոկտեմբերի 26-ի երոկայն վթար է տեղի ունեցել Սյունիքի մարզպետ Սուրիկ Խաչատրյանի մերձավորների մասնակցությամբ: NEWS.am-ի թղթակցի հետ զրույցում Գորիսի ոստիկանապետ Արմեն Հովհաննիսյանն ասաց, որ երեկոյան ճանապարհները մի քիչ սառած են եղել, «Նիվան» հարվածել է «Միցսուբիշի» մեքենային: «Նիվան» վարել է Մարզպետի թիկնապահ Նիկոլայ Աբրահամյանը, իսկ «Միցսուբիշիի» ղեկին 46-ամյա Վահագն Հայրապետյանն էր, ով Գորիսի նախկին անտառնտեսության պետի որդին է: Վթարի հետեւանքով, ոստիկանապետի փոխանցմամբ, Նիկոլայ Աբրահամյանի ծնոտն է ջարդվել, նա տեղափոխվել է հիվանդանոց: Արմեն Հովհաննիսյանը կտրականապես հերքեց Սուրիկ Խաչատրյանի որդու՝ Տիգրանի մասնակցությունը վթարին: «Չէ հա, Տիգրանը ի՞նչ կապ ունի դրա հետ, ես շատ կուզեի, որ Տիգրանը լիներ, բայց ոչ մի Տիգրան էլ չկա»,-ասաց նա: