«Ռոստելեկոմը» Երեւանի կենտրոնի բարեկարգված պուրակում (Նալբանդյան եւ Հանրապետության փողոցների միջեւ ընկած հատվածում, ՀՀ ֆինանսների նախարարության հարեւանությամբ) նոյեմբերի 8-ին մասնակցել է ծառատունկի: Միջոցառումը կազմակերպված էր Երեւանի քաղաքապետարանի եւ Կենտրոն վարչական շրջանի հետ համատեղ:

Մաքուր ու բարեկարգ քաղաքում ապրել ցանկանում են բոլորը եւ նմանօրինակ ծրագրերի շնորհիվ է, որԵրեւանը տեղացիներին ու հյուրերին ներկայանում է որպես հյուրընկալ, հարմարավետ եւ ժամանակակից քաղաք:

Բացի ծառատունկից, որին մասնակցեցին ընկերության ներկայացուցիչները, «Ռոստելեկոմը» հայտարարեց նաեւ այգում անվճար հանրային WiFi կապի տրամադրման մասին: Այսուհետ այգու բոլոր այցելուները կկարողանան վայելել լիարժեք հանգիստ՝ միաժամանակ օգտվելով բարձրորակ ինտերնետ կապից:

Հիշեցնենք, որ «Ռոստելեկոմի» Կորպորատիվ սոցիալական պատասխանատվության ծրագրերի շրջանակներում դեռ 2012թ.-ից անվճար գերարագ WiFi կապից օգտվում են մի շարք երեւանյան եւ մարզային հանրային այգիներ:

Նշենք, որ «ՋԻԷՆՍԻ-ԱԼՖԱ» ընկերությունը, Երեւանի քաղաքապետարանի հետ համատեղ 2012թ.-ից նախաձեռնել են որոշ համայնքային այգիներ WiFi ինտերնետ կապով ապահովելու աշխատանքները:

Այսօր մի շարք այգիներում հնարավոր է միանգամայն անվճար օգտվել «Ռոստելեկոմի» կողմից տրամադրվող որակյալ՝ գերարագ, WiFi ինտերնետ կապից:

Հետեւյալ այգիներում շուրջօրյա կարող եք անվճար օգտվել «Ռոստելեկոմի» տրամադրած WiFi ինտերնետ կապից՝

- Մաշտոցի պուրակ,

- Հալաբյան փողոցին հարող այգի,

- ԹՈՒՄՈ ստեղծարար տեխնոլոգիաների կենտրոնի հարակից այգի,

- Դավիթաշեն համայնքային այգի,

- Սասունցի Դավթի հրապարակի,

- ք. Աբովյանում, եկեղեցուն հարող տարածք,

- ք. Կապան, երեք հանրային այգիներ:

«Ռոստելեկոմը» մեծապես կարեւորում է նման նախաձեռնությունները, որոնք զբոսանքի եւ հանգստի վայրերում առավել հասանելի են դարձնում կապի ժամանակակից միջոցները: