Ոստիկանությանը պատկանող կարի արտադրամասի նախկին աշխատակիցներն այսօր՝ նոյեմբերի 13-ին, Կառավարության մոտ էին իրենց մեկ տարվա աշխատավարձի պահանջով: Նրանց խոսքով՝ կարի արտադրամասը արդեն մեկ տարի է, ինչ լուծարվել է, սակայն իրենք աշխատավարձ դեռ չեն ստացել:
«Նամակ ենք ուղարկել վարչապետին, սակայն մեզ չեն պատասխանել, մեր ապրուստն է, մեր օրվա հացը, որ ադեն մեկ տարի է՝ չեն տալիս»,- վրդովված ասացին կարի արտադրամասի աշխատակիցները:
Կարի արտադրամասի աշխատակիցները պատմեցին, որիրենց արտադրամասը միչեւ լուծարումը մատակարարում էր ողջ ոստիկանական համակարգի աշխատակիցների համազգեստները, իսկ լուծարումից հետո այդ աշխատանքը կատարում են մասնավոր կարի արտադրամասերը:
«Լուծարումից հետո, իրենք խոստացան, որ հենց գումար ստանան առաջին հերթին աշխատավարձերը կվճարեն, բայց հենց ստանում էին հարկեր էին տալիս, կամ ուրիշ տեղ էին ծախսում, եւ այդպես էլ մեր աշխատավարձերը չվճարեցին»,-NEWS.am-ի հետ զրույցում ասաց արտադրամասի նախկին աշխատակից Աստղիկ Ազատյանը՝ նշելով, որ խնդրին տեղյակ է նաեւ ոստիկանապետ Վլադիմիր Գասպարյանը, սակայն ոչինչ չի ձեռնարկում:
Բողոքի ակցիա անցկացնողներին մոտեցավ նամակների եւ դիմումների բաժնի աշխատակիցը եւ ասաց, որ նրանց նամակը ընթացքի մեջ է, հանձնարարական ստանալուն պես իրենք կտեղեկացնեն աշխատակիցներին:
Կարի արտադրամասի նախկին աշխատակիցները հեռացան՝ խոստանալով ավելի մեծամաշտաբ ակցիա անցկացնել պատասխան չունենալու դեպքում:




























