նախընտրելի դարձնելՉինաստանում բանկ թալանողը ձերբակալվել է՝ չափից դուրս ծանր պայուսակի պատճառով չկարողանալով փախչել, գրում է The Independent-ը: Թերթը սկսնակ գողերին կատակով խորհուրդ է տալիս ուշադրություն դարձնել տվյալ միջադեպին: «Ահա թե ինչ է տեղի ունենում, երբ փորձում եք կանխիկ գումարով լեցուն ծանր պայուսակ գողանալ, որը չեք կարող տանել», – ասվում է հոդվածում, փոխանցում է Gazeta-ն:
Կարմիր սաղավարտով գողը հարձակվել է բանկի աշխատակցի եւ զինված հսկիչի վրա, երբ վերջիններս փողերը բանկ էին մտցնում: Չարագործը թերագնահատել է պայուսակի քաշը (շուրջ 85 կգ):
Տեսահսկող սարքերի կադրերում երեւում է, որ հանցագործը անհաջող փորձել է այն ամրացնել մոտոցիկլետին: Այնուհետեւ գողին կրակել է երկրորդ հսկիչը, որից հետո չարագործին ձերբակալել են: Տղամարդը տեղափոխվել է հիվանդանոց: Նա հայտարարել է, որ փողը գողացել է հիփոթեքը մարելու համար:
