ՀՀ սփյուռքի նախարար Հրանուշ Հակոբյանn, այսօր՝ դեկտեմբերի 13­ին, աշխատանքային այցով մեկնում է Ֆրանսիա՝ մասնակցելու Լուսինյան քաղաքում Հայոց թագավոր Լեւոն VI­ի, ֆրանսահայ նախկին ռազմիկների եւ Հայոց ցեղասպանության զոհերի հիշատակին նվիրված խաչքարի բացման արարողությանը:

Սփյուռքի նախարարության մամուլի ծառայությունից հայտնում են, որ խաչքարը տեղադրվում է Լուսինյանի քաղաքապետարանի, «Արարատ» ասոցիացիայի, «Ֆրանսահայ նախկին ռազմիկների եւ դիմադիրների ասոցիացիայի» եւ ֆրանսիայում Հայոց Ցեղասպանության 100­րդ տարելիցի միջոցառումները համակարգող հանձնաժողովի համատեղ ջանքերով:

Այցի շրջանակներում ՀՀ սփյուռքի նախարարը կհանդիպի Հայոց  Cեղասպանության 100­րդ տարելիցի միջոցառումները համակարգող` Ֆրանսիայի տարածաշրջանային հանձնախմբի, համայնքային կազմակերպությունների ներկայացուցիչների հետ: