նախընտրելի դարձնելՌուսաստանին «զզվեցրել է» ուկրաինական տնտեսությունը պահելը, «Նեզավիսիմայա գազետայում» հրապարակված «Ռուսաստան եւ Ուկրաինա. կյանք՝ նոր կանոններով» հոդվածում գրել է ՌԴ վարչապետ Դմիտրի Մեդվեդեւը:
«Հարաբերությունները կառուցելով նոր պայմաններում՝ մենք մի կողմ կթողնենք էմոցիաներն ու «հարազատական զգացմունքները»: Եվ այլեւս չենք պահի Ուկրաինայի տնտեսությունը, մեզ դա ձեռնտու չէ, անկեղծ ասած՝ զզվեցրել էլ է»,- գրել է Մեդվեդեւը:
Վարչապետը նշել է, որ հարաբերությունների ճգնաժամը կարող է կործանարար լինել երկրների համար, բայց որպես հարեւաններ իրենք այսպես թե այնպես կհամագործակցեն: «Ուղղակի հիմա այդ համագործակցությունը կլինի բացառապես, այսպես կոչված, «հրեական ոճի»՝ ռացիոնալ եւ պրագմատիկ»,- ընդգծել է վարչապետը:
Նա նաեւ նշել է, որ Ուկրաինան իզուր է պայծառ ապագայի հույսեր կապում եվրաասոցացման հետ:
«ԵՄ-ն չի շտապում Ուկրաինային հրավիրել եվրոպական գերտերությունների սեղանի շուրջ՝ որպես իրավահավասար գործընկեր: Նույնիսկ կից աթոռակ չի դնոմ, այլ նպատակասլաց նրան պահում է՝ որպես «աղքատ Լիզա» . հանդիպումներ, որոնք երբեք հարսանիքով չեն ավարտվի: Բավական է նայել Թուրքիային. այն ասոցացման պայմանագիր է ստորագրել 51 տարի առաջ եւ մինչ այժմ ԵՄ-ի անդամ չէ: Սա նույնիսկ կատակների թեմա է դարձել: Ժամանակին Վիկտոր Չերնոմերդինը այն հարցին, թե վերջապես երբ Ուկրաինան ԵՄ անդամ կդառնա, պատասխանել է՝ Թուրքիայից հետո: «Իսկ ե՞րբ Թուրքիան կդառնա: – Երբեք»,- նշում է Դ. Մեդվեդեւը:
«Տնտեսական համագործակցության տեսակետից ԵՄ վերաբերմունքը Ուկրաինայի նկատմամբ ավելի շատ նոր գաղութարարության է նման: Եվրոպական «արդար» մրցակցության անվան տակ՝ առաջ են մղվել եվրոպական եւ նրանց հետ սերտորեն կապված ուկրաինական ընկերությունների միակողմանի առավելությունները», – ասվում է հոդվածում:
Միեւնույն ժամանակ Մեդվեդեւը Ուկրաինայի համար կանխատեսոմ է տնտեսական բարդ ճգնաժամ՝ «երկրորդ 90-ականներ»: ՌԴ վարչապետն ընդգծել է, որ «ցավոք, դեֆոլտի խնդիրը, ավելի լայն՝ Ուկրաինայի տեւական սոցիալ-տնտեսական ճգնաժամը, «Կրեմլի» կամ այլ քաղաքական տեխնոլոգիաների հեքիաթները չեն»:
Նա նշել է, որ «անցնող տարին Ուկրաինայի պատմության մեջ կմնա որպես ամենածանրը եւ ողբերգականը»: Որպես իր գնահատականի հիմնավորում՝ Մեդվեդեւը օրինակ է բերել Ուկրաինայի ղեկավարության գործողությունները, այդ թվում նաեւ՝ ռազմական, որոնք «երկիրը հասցրել են այն տնտեսական անդունդի եզրին, որի առաջ նա կանգնած է այժմ»:
