նախընտրելի դարձնելSydney’s Martin Place համալիրի Lindt սրճարանի հինգ պատանդների հաջողվել է փախչել, հայտնում է NEWS.am-ի թղթակիցը Սիդնեյից: Փախչողների շարքում կան երկու կին՝ սրճարանի աշխատակիցներ:
Սիդնեյի ոստիկանությունը հայտնել է, որ պատանդների թիվն ավելի քիչ է, քան հաղորդվել էր նախկինում, սակայն նրանց ճշգրիտ թիվը հայտնի չէ: Ոստիկանությունը բանակցում է ահաբեկիչների հետ, սակայն բանակցությունների մանրամասները չեն հաղորդվում:
Իրականացվել է շենքի ամբողջական տարհանում:
NEWS.am-ն ավելի վաղ հայտնել էր, որ իսլամիստ ահաբեկիչները պատանդներ են վերցրել Սիդնեյ քաղաքի Sydney’s Martin Place համալիրի Lindt սրճարանում: Ահաբեկիչները ցուցափեղկերին դրոշներ են կախել՝ իսլամիստական մեջբերումներով: Ոստիկանությունում NEWS.am-ի թղթակցին նաեւ հայտնել են, որ ահաբեկիչները կարող են ռումբ ունենալ:
Ավելի վաղ տարհանվել էր Սիդնեյի կենտրոնական հատվածը, այդ թվում նաեւ օպերայի շենքը եւ տեղի հեռուստաալիքներից մեկի գլխավոր գրասենյակը:
