նախընտրելի դարձնել«Իսլամական պետություն» կազմակերպությունը նոր հայտարարություն է հրապարակել, որում սպառնալիքներ են պարունակվում ճապոնացի երկու պատանդների հասցեին: Դրանք իրականացվելու են վերջնագրի ժամկետը լրանալուց հետո:
«Ճապոնիայի վարչապետը շարունակում է խաբել: Ճապոնիայի ժողովուրդը ոչինչ չարեց: Նա չի խղճում ճապոնացի երկու պատանդներին: Մենք կանենք այն, ինչ խոստացել էինք», — ասված է հայտարարությունում:
Հայտարարությունը զետեղվել է նույն կայքում, որում ավելի վաղ հայտնվել էր գրոհայինների առեւանգած երկու ճապոնացիների մասնակցությամբ տեսանյութը: Ծայրահեղականների նոր հայտարարության պատճառը վերջնագրի ժամկետը լրանալն է: Նոր տեսագրությունում հետհաշվարկ է ընթանում, փոխանցում է «ՌԻԱ Նովոստին»:
Հունվարի 20-ին ցանցում հայտնվել էր տեսագրություն, որտեղ ԻՊ գրոհայինները Ճապոնիայից 200 մլն դոլարի փրկագին էին պահանջում ճապոնացի 2 պատանդների՝ լրագրող Կենձի Գոտոյի եւ գործարար Հարունա Յուկավայի համար:
Ճապոնիայի վարչապետը նախօրեին հայտարարել էր, որ Ճապոնիան ահաբեկիչներին փրկագին չի վճարի:
