նախընտրելի դարձնելՌուսաստանի վարչապետի առաջին տեղակալ Իգոր Շուվալովը Դավոսի ֆորումում հայտարարել է, որ ներկայիս տնտեսական ճգնաժամը կլինի տեւական եւ ավելի ծանր, քան 2008-2009թթ. իրավիճակը:
Նա նշել է, որ ներկայիս ճգնաժամը միայն թվում է, որ թեթեւ է 2008-2009 թվականներից: «Սա միայն թվացյալ թեթեւություն է: Իրականում կարծում եմ, որ մենք առավել տեւական եւ բարդ ճգնաժամ թեւակոխելու վիճակում ենք», – հայտարարել է Շուվալովը Դավոսում՝ Ռուսաստանի իրավիճակին նվիրված նիստում:
Փոխվարչապետը տնտեսական իրավիճակը «շատ բարդ» է անվանել եւ չի բացառել, որ այն էլ ավելի կվատանա, ինչին պետք է պատրաստ լինեն ոչ միայն իշխանությունները, այլեւ բիզնեսը եւ հասարակությունը:
« 2015 թ. հակաճգնաժամային ծրագրով պետք է հաշվարկել այնպես, որ օգնի կողմնորոշվել «կոշտ վայրէջքի» ժամանակ: Տնտեսությունը կոշտ վայրէջք է կատարում: Պետք է բոլորը սովորեն ապրել նոր պայմաններում ՝ սկսած շարքային քաղաքացիներից մինչեւ խոշոր ձեռնարկություններ եւ դաշնային կառավարություն», – պարզաբանել է Շուվալովը:
Նա հատկանշել է բարեփոխումների անցկացման կարեւորությունը, որոնց անհրաժեշտության մասին խոսվում է արդեն երկար տարիներ, սակայն այդպես էլ չեն իրականացվում: Նաեւ այն պատճառով, որ շնորհիվ արտահանման բարձր եկամուտների՝ նման բարեփոխումների խիստ պահանջ չի եղել:
