Աշխարհի 14 երկրում հեռահաղորդակցության ծառայություններ մատուցող «ՎիմպելԿոմ ԼԹԴ»-ն, որի գլխամասային գրասենյակը գտնվում է Ամստերդամում, հայտարարում է «Make Your Mark» նախաձեռնության մեկնարկի մասին։

Այս նախաձեռնությունը հանդիսանում է «ՎիմպելԿոմ»-ի կորպորատիվ սոցիալական պատասխանատվության առանցքային բաղադրիչը եւ նպատակն  ունի «Օգնել երիտասարդներին կառուցել իրենց ապագան»:

Բնակչության թվի արագ աճով պայմանավորված այսօր աշխարհում առկա են բազմաթիվ խնդիրներ, որոնց հետ բախվում են երիտասարդները. այն է աղքատություն, գործազրկություն, ոչ լիարժեք առողջապահություն եւ կրթություն, սննդի անվտանգություն, սահմանափակ ռեսուրսներ, կլիմայի փոփոխություն եւ այլն: «Make Your Mark» նախաձեռնության նպատակն է երիտասարդներին տրամադրել տեխնոլոգիական գործիքներ, աջակցություն, ուղղորդում, որոշ դեպքերում` բազային կրթության հնարավորություն, եւ օգնել նրանց հաղթահարել այս խոչընդոտներն եւ ստեղծել իրենց ապագան:

«Առաջիկա տարիների ընթացքում երիտասարդները կբախվեն բազմաթիվ մարտահրավերների հետ: «Թող քո հետք»-ի միջոցով մենք կարող ենք միավորել տեխնոլոգիաները, մեր փորձն ու կրթությունը, որպեսզի օգնենք նրանց` ճիշտ կառուցել իրենց ապագան: Ես հպարտ եմ այս ոլորտում մեր ունեցած ձեռքբերումներով, սակայն այս նախաձեռնությամբ մենք նպատակ ունենք ավելի հեռուն գնալու», - նշեց «ՎիմպելԿոմ»-ի Գլխավոր գործադիր տնօրեն Ջո Լունդերը:

«Make Your Mark»  ծրագիրը բացկացած է 3 հիմնական ուղղություններից.

- Աջակցել կրթություն ստանալու հնարավորությունից զրկված երիտասարդներին բարելավելու իրենց կյանքը։

- Աջակցել երիտասարդ ձեռներեցներին իրականություն դարձնել իրենց գաղափարները օգտագործելով բջջային տեխնոլոգիաները։ Ստեղծել նոր թվային բիզնեսներ` օգնելով երիտասարդներին, նրանց համայնքներին եւ զարգացնելով տվյալ տարածաշրջանի տնտեսությունը:

- Ոգեշնչել երիտասարդներին օգտագործել իրենց էներգիան, ստեղծագործական եւ բիզնես գաղափարները հասարակության մարտահրավերները հաղթահարելու նպատակով։ Օգնել ստեղծելու «ծառայություններ հասարակության համար» (առողջապահության, կրթության, ֆինասնական եւ գյուղատնտեսության ոլորտներում)` ձեւավորելով ավելի կայուն ապագա երիտասարդների, համայնքների եւ հասարակության համար:  

«Make Your Mark»  նախաձեռնության միջոցով «ՎիմպելԿոմ»-ը նպատակ ունի էլ ավելի ընդլայնելու եւ զարգացնելու բոլոր այն սոցիալական ծրագրերն, որոնք արդեն իսկ իրականացվում են Ընկերության տարբեր բիզնես միավորներում եւ գործող ընկերություններում` նպատակ ունենալով խթանել նորարարությունն ու տեխնոլոգիական ձեռներեցության զարգացումը։ 

Ընկերությունն այսուհետ կանոնավոր կերպով կտեղեկացնի իրագործված ծրագրերի եւ առաջընթացի մասին՝ հատուկ ուշադրություն դարձնելով առանձին դեպքերի ուսումնասիրությանը:

«Make Your Mark»  նախաձեռնության մասին առավել մանրամասն տեղեկատվություն կարելի է ստանալ հետեւելով այս հղմանը։