Հունվարի 31-ին, ժամը 20.20-ին, 56-ամյա Կարինե Կ.-ն ոստիկանության Արմավիրի բաժնում հաղորդում է տվել, որ հունվարի 29-ի ժամը 21.00-ից մինչեւ ժամը 22.30-ն ընկած ժամանակահատվածում, օգտվելով տանը մարդ չլինելու հանգամանքից, մուտքի դուռը կոտրելով՝ տնից գումար են գողացել:

Ոստիկանության մամուլի ծառայությունից հայտնում են, որ նույն օրը, ժամը 20.50-ին, ոստիկանության ծառայողները, գողությունը կատարելու կասկածանքով, բերման են ենթարկել 37-ամյա Վախթանգ Խ.-ին, որը տվել է խոստովանական բացատրություն:

Վախթանգ Խ.-ն ձերբակալված է:

Կատարվում է քննություն: